Hlauparar
Karen Mjöll Árnadóttir
Hleypur fyrir Sorgarmiðstöð og er liðsmaður í Fyrir Kalla
Samtals Safnað
Markmið
Ákjósanleg greiðsluleið
Ég hef lengi haft það á bak við eyrað að hlaupa hálft maraþon og ákvað loksins að láta verða af því. En auðvitað gat ég ekki gert þetta ein, þannig að ég ákvað að draga með mér Stefaníu æskuvinkonu mína í þetta smá ævintýri ❤️
Það er kannski frekar djarft verkefni fyrir okkur, sérstaklega þar sem hún hefði líklega aldrei skráð sig sjálf í hálft maraþon án smá hvatningar frá mér. En þegar hún samþykkti að taka þátt setti hún eitt skilyrði sem snerti mig djúpt - að við myndum hlaupa fyrir Sorgarmiðstöðina til heiðurs pabba hennar.
Eftir skyndilegt fráfall hans prófaði hún margt til að reyna að láta sér líða betur og finna leið í gegnum sorgina. Það sem hjálpaði henni mest var Sorgarmiðstöðin — staður þar sem hún fann stuðning, skilning og fólk sem gat mætt henni akkurat þar sem hún var stödd.
Þess vegna ætlum við að hlaupa þetta hlaup með stærri tilgang en bara að komast í mark. Við viljum vekja athygli á því mikilvæga starfi sem þar er unnið og hjálpa til við að sem flestir viti af þessum stuðningi þegar þeir þurfa mest á honum að halda ❤️
Sorgarmiðstöð
Sorgarmiðstöð er félag sem starfar í almannaþágu, án hagnaðarsjónarmiða og býður stuðning, fræðslu og ráðgjöf til syrgjenda og þeirra sem vinna að velferð þeirra. Við leggjum áherslu á að mæta fólki á persónulegan og hlýjan hátt. Við bjóðum upp á stuðningshópastarf, jafningjastuðning, samveru og fræðslu fyrir þau sem syrgja látinn ástvin. Þú finnur meiri upplýsingar um starfið okkar á www.sorgarmidstod.is. Sorgarúrvinnsla miðar að bættri lýðheilsu með því að efla og styðja við andlega, líkamlega og félagslega heilsu fólks eftir ástvinamissi.
Nýir styrkir
