Ég ætla að hlaupa í Reykavíkurmaraþoninu til minningar um elsku Evuna mína og safna um leið dýrmætum krónum fyrir krabbameinsfélag Akureyrar og nágrennis.

Megið gjarnan heita á mig beint eða hlaupahópinn sem hleypur í minningu hennar <3

Eva greindist með eittilfrumukrabbamein í desember 2019 og hóf strax mikla og erfiða meðferð. Hún mætti veikindunum af sama krafti og hún mætti öllu öðru í lífinu, með jákvæðni, húmor og ákveðni. Þrátt fyrir harða baráttu náði krabbameinið yfirhöndinni og Eva lést 15. ágúst 2020, aðeins 44 ára gömul.

Eva hafði einstakan hæfileika til að draga fram það besta í fólki. Hún var hlý, jákvæð og með smitandi húmor. Hún náði að hrífa fólk með sér, ekki vegna þess að hún reyndi það, heldur einfaldlega vegna þess hver hún var og hvernig hún nálgaðist fólk. Hún var einstök <3

Þess vegna er viðeigandi að heiðra minningu hennar með þessum hætti. Ég ætla að mæta í Reykjavíkurmaraþonið, með bros á vör og gleði í hjarta, enda hefði Eva ekki viljað hafa það öðruvísi.

Og ef hún væri enn hjá okkur, þá væri hún svo sannarlega fremst í flokki!

Takk fyrir allt Elsku Eva, nú löbbum við og hlaupum fyrir þig <3

Be Magical, Be You!