Hlauparar
Samtals Safnað
Markmið
Ákjósanleg greiðsluleið
Sæl öll sömul, ég ætla að hlaupa til þess að safna áheitum fyrir grasrótarsamtökin Hugarafl! Þessi samtök hafa hjálpað mér og mörgum öðrum til þess að takast á við geðheilbrigðiskrísur, komast út úr félagslegri einangrun, glíma við fíknivanda, eða bara að finna kærleiksríkt samfélag. Hugarafl veitir endurhæfingarþjónustu og einnig spjallfunda, borðspilatíma, tónlistarstúdíó og opið rými þar sem er hægt að slaka á og fá sér kaffi.
Allt sem gefið er hjálpar gríðarlega til þess að stækka og betrumbæta þjónustu Hugarafls og sá bata sem það veitir mörgum innan félagsins. Takk fyrir!
Hugarafl
Hugarafl eru félagasamtök fólks sem hefur upplifað persónulega krísu og vinnur að persónulegum bata sínum. Við erum stærstu grasrótarsamtök fólks með andlegar áskoranir á Íslandi og látum rödd okkar heyrast varðandi geðheilbrigðismál. Félagið var stofnað árið 2003. Starfsemi Hugarafls er mótuð bæði af einstaklingum með persónulega reynslu af andlegum áskorunum (stundum kallað notendur) og einstaklingum með fagmenntun. Þátttaka í starfsemi Hugarafls er fyrir öll, 18 ára og eldri, sem hafa áhuga á að vinna í geðheilsu sinni á eigin forsendum. Starfsemin er algjörlega gjaldfrjáls, óháð búsetu og engin krafa er gerð um tilvísanir né geðsjúkdómagreiningar.
Nýir styrkir
