Ég ætla að hlaupa fyrir hetjuna mína, Magnús Mána, sem hefur lagt gríðarlega mikið á sig í endurhæfingu og náð góðum árangri. Endurhæfingin hefur verið gríðarlega fjölbreytta með yndislegu fólki bæði innanlands og erlendis.

Íslenska ríkið hefur tekið ákvörðun um að útvega ekki bestu mögulegu endurhæfingu fyrir fólk sem glímir við taugaraskanir og höfum við því þurft að leita erlendis til að fá bestu mögulegu endurhæfingu sem í boði er í heiminum í dag. Þrátt fyrir að það sé skylda ríkisins að útvega bestu heilbrigðisþjónustu sem völ er á hefur ríkið aðeins af afar litlum hluta tekið þáttí kostnaðinum.

Við höfum nú þegar dvalið í samtals 23 vikur í Madríd yfir eins og hálfs árs tímabil og munu bætast við rúmar 3 vikur í júlí 2026. Kostnaðurinn við hverja viku í Madríd er rúm ein milljón krónur þannig að í lok sumars verður kostnaður við Madríd kominn upp í tæpar 30 milljónir króna til viðbótar við annan kostnað. 

Ég hleyp þess vegna til að Magnús geti áfram notið bestu endurhæfingar sem völ er á.

Takk fyrir stuðninginn❤️🙏