Ég ætla að hlaupa fyrir besta pabba minn og alla hina sem berjast við MS sjúkdóminn. Þetta verður mitt fyrsta hálfmaraþon svo þetta verður ekki auðvelt enn það minnsta sem ég get gert er að þjást í nokkra klukkutíma því ég veit að þeir sem berjast við sjúkdóminn þurfa að gera það á hverjum degi! 

Pabbi minn er er mín hetja í lífinu, þrjóskan, þrautseigjan, dugnaðurinn og húmorinn er aðdáunarverður og þið öll sem þekkið hann vitið nákvæmlega hvað ég er að tala um því jú Óli er mesti kóngur sem þið þekkið! 

Lífið hendir í okkur ýmsum verkefnum, hann fékk risastórt verkefni og hefur af æðruleysi leyst það eftir bestu getu og gerir enn! 

Ég hleyp fyrir 21 km fyrir pabba og alla hina! Væri mjög þakklát fyrir styrkinn og hlakka til að spretta úr spori í ágúst.