Til minningar um elsku yndislegu Evu kæru vinkonu, ætla ég að fara 10 km gangandi í Reykjavíkurmaraþoninu 22. ágúst og safna um leið fyrir krabbameinsfélag Akureyrar og nágrennis. Félagið vinnur dýrmætt starf en það veitir fólki sem hefur greinst með krabbamein og aðstandendum þeirra fjölbreytta þjónustu þeim að kostnaðarlausu. Því miður þekkjum við öll einhvern sem hefur fallið frá vegna krabbameins og því mikilvægt að hjálpa til við að halda því starfi gangandi.

Eva sem ég var svo lánsöm að eiga sem vinkonu hefði orðið 50 ára í ár og af því tilefni var stofnaður hlaupa/gönguhópur undir hennar einkunnarorðum, ,,Be magical be you” sem ætlar að taka þátt í Reykjavíkurmaraþoninu til að heiðra minningu hennar

Það sem ég er þakklát fyrir að hafa haft Evu í mínu lifi. Hún hvatti mig ávallt áfram og var ávallt til staðar fyrir mig og mína. Eva hafði líka mikla útgeislun og gaf mikið af sér, hún var einfaldlega best. Elsku Eva mín þú varst einstök og ég sakna þín. Takk fyrir allt. 🩵

Eva greindist með eitilfrumukrabbamein í desember 2019 og hóf strax mikla og erfiða meðferð. Hún mætti veikindunum af sama krafti og hún mætti öllu öðru í lífinu, með jákvæðni, húmor og ákveðni. Þrátt fyrir harða baráttu náði krabbameinið yfirhöndinni og Eva lést 15. ágúst 2020, aðeins 44 ára gömul.🩵

Þú ert stjarnan okkar sem skín skærust á himninum og við söknum þín sárt og höfum einkunnarorð þín ávallt í farteskinu. ,,Be magical, be you”

Endilega heitið á mig, margt smátt gerir eitt stórt.