Í ágúst fer Reykjavíkurmaraþon Íslandsbanka fram og ég ætla að stíga aðeins út fyrir þægindarammann og hlaupa mitt fyrsta hálfmaraþon 🏃‍♀️

Ég ákvað að láta gott af mér leiða í leiðinni og safna fyrir Reykjadal ❤️

Markmiðið í Reykjadal er að bjóða upp á fjölbreytt tómstundartækifæri þar sem börn og ungmenni fá að njóta sín á eigin forsendum. Vinátta og gleði er mikilvægur þáttur í starfseminni þar sem áhersla er lögð á að öll geti eignast vini og séu fremst á meðal jafningja.

Frá 1963 hefur Gló stuðningsfélag rekið sumarbúðir í Reykjadal í Mosfellsdal. Boðið er upp á sumar- og helgardvalir fyrir fötluð börn og ungmenni í Mosfellsdal allt árið um kring. Auk þess er boðið upp á Ævintýrabúðir fyrir börn með ADHD, einhverfu og andlegar áskoranir og fjölbreytta samveru og jafningastuðning fyrir ungt fatlað fólk og fjölskyldur þeirra. Alls nýta sér um 400 börn og ungmenni úrræði á vegum Reykjadals ár hvert.

Matsalurinn hefur lengi verið hjarta staðarins – uppspretta hláturs, vináttu og ótal góðra stunda. En aðstaðan í gamla skálanum mætir ekki lengur þörfum gestanna né kröfum um aðgengi. Hjálpaðu okkur að hefja fyrsta áfanga nýrrar viðbyggingar: nýjan matsal sem er aðgengilegur, hlýr og hannaður fyrir öll.

Margt smátt gerir eitt stórt ❤️ Ef þú hefur tök á að leggja málefninu lið myndi ég vera ótrúlega þakklát – hver einasta króna skiptir máli 💛