Í ár ætla ég að hlaupa Íslandsbankamaraþonið til styrktar Krabbavörnum í Vestmannaeyjum.

Þetta er mér mjög persónulegt.

Árið 2024 missti ég Svenna pabba úr heilakrabbameini. Þeir sem þekktu hann vita hvaða mann hann hafði að geyma. 

Að horfa upp á einn af mínum nánasta í lífi mínu berjast við þennan hræðilega sjúkdóm, upplifa kvalirnar og sjá hvaða áhrif hann hefur á alla fjölskylduna, breytti mér.

Á þessum erfiða tíma stóðu Krabbavarnir í Vestmannaeyjum þétt við bakið á okkur. Sá stuðningur verður mögulega aldrei metinn til fulls og nú langar mig að gefa eitthvað til baka.

Þess vegna hleyp ég – fyrir Svenna pabba, fyrir fjölskyldur sem eru að ganga í gegnum það sama og fyrir þá sem eiga enn sína baráttu eftir.

Ef þú hefur tök á því að styrkja söfnunina, þá skiptir hver einasta króna máli. Hvort sem það eru 1.000 kr., 2.000 kr., 10.000 kr. eða önnur upphæð, þá hjálpar framlagið til við að styðja fólk sem þarf á því að halda.

Margt smátt gerir eitt stórt.

Takk fyrir að lesa þetta og takk af öllu hjarta til allra sem geta lagt þessu lið. ❤️