Í ár hleyp ég fyrir Ljósið. ❤️

Haustið 2024 greindist mamma mín með krabbamein á fjórða stigi. Það er erfitt að lýsa því með orðum hvernig það er að horfa á manneskju sem manni þykir svo óendanlega vænt um takast á við slíkan sjúkdóm. Fyrir mig og börnin mín er hún einstök og ómetanleg, og því hefur þessi vegferð snert alla fjölskylduna djúpt.

Í þessari baráttu hefur Ljósið reynst mömmu minni ótrúlegur stuðningur. Þar fær fólk ekki aðeins ráðgjöf og aðstoð heldur einnig hlýju, skilning og samfélag. Á erfiðum tímum getur það skipt sköpum að eiga stað þar sem maður finnur að maður er ekki einn. Að vissu leyti er Ljósið eins og góður vinur sem gengur með þér í gegnum baráttuna.

Þess vegna hef ég ákveðið að hlaupa fyrir Ljósið í ár.

Ég geri það fyrir mömmu mína, fyrir fjölskylduna mína og fyrir alla þá sem hafa þurft eða munu þurfa á þessari dýrmætu þjónustu að halda.

Ég er einnig stolt af því að vera hluti af um 70 manna hópi frá Avians sem saman hleypur fyrir Ljósið. Saman viljum við leggja okkar af mörkum og styðja við það mikilvæga starf sem þar er unnið á hverjum degi.

Ef þú hefur tök á að heita á mig eða leggja söfnuninni lið, þá skiptir hvert framlag máli. 

Takk fyrir stuðninginn ❤️