Ég greindist með brjóstakrabba í febrúar 2025. Um leið og greining lá fyrir skráði ég mig í endurhæfingu hjá Ljósinu. Þar var fallega tekið á móti mér. Í erfiðu meðferðarferli sem fylgdi var ómetanlegt að eiga Ljósið að og alla sem að því standa, starfsfólk og þjónustuþega. Hádegismatur með jafningjum, spjall í leirnum eða myndlistarhópnum og líkamsræktin, þar sem öllum er mætt þar sem þeir eru staddir. Ljósið er ótrúlega mikilvægur staður fyrir krabbameinssjúka en líka fyrir aðstandendur. Ég hef lokið minni meðferð og útskrifaðist úr Ljósinu í vor. Núna skemmtiskokka ég glöð fyrir Ljósið.