Ég ætla að hlaupa 10 km í Reykjavíkurmaraþoninu í ár til styrktar Blóð-og krabbameinslækningadeild 11EG.

Í byrjun maí greindist elsku mágkona mín, Stína, með krabbamein. Frá því að hún greindist hefur deild 11EG reynst Stínu og hennar nánustu ómetanlegur stuðningur. Umhyggjan, fagmennskan og hlýjan sem þar mætir sjúklingum og aðstandendum skiptir gríðarlega miklu máli þegar mest á reynir.

Þess vegna hef ég ákveðið að hlaupa 10 km í Reykjavíkurmaraþoni í ágúst og safna fyrir þessa mikilvægu starfsemi. Ég get ekki tekið baráttuna af Stínu, en ég get hlaupið fyrir hana. Hvert skref verður tekið með hana í huga og með þakklæti fyrir það frábæra fólk sem sinnir þessum mikilvægu störfum á hverjum degi.

Ég hleyp fyrir Stínu og fyrir allar þær fjölskyldur sem þurfa á stuðningi deildar 11EG að halda. Hvert framlag skiptir máli og ég væri innilega þakklát ef ég fengi ykkar stuðning <3