Hlauparar
Samtals Safnað
Markmið
Ákjósanleg greiðsluleið
Ég mun taka þátt í skemmtiskokki Reykjavíkurmaraþons í ágúst og safna fyrir Hugarafli í leiðinni. Þetta félag hefur reynst mér vel í gegnum erfiða tíma þegar andlega heilsa mín hefur ekki verið upp á sitt besta og hef ég m.a. náð að byggja mig nægilega upp til að geta látið draum minn rætast og stofnað fjölskyldu. Ég mun fara skemmtiskokkið með dóttur minni í kerru og væri þakklát fyrir áheit svo að sem flestir geti notið góðs af flotta starfinu þeirra ♥️
Hugarafl
Hugarafl eru félagasamtök fólks sem hefur upplifað persónulega krísu og vinnur að persónulegum bata sínum. Við erum stærstu grasrótarsamtök fólks með andlegar áskoranir á Íslandi og látum rödd okkar heyrast varðandi geðheilbrigðismál. Félagið var stofnað árið 2003. Starfsemi Hugarafls er mótuð bæði af einstaklingum með persónulega reynslu af andlegum áskorunum (stundum kallað notendur) og einstaklingum með fagmenntun. Þátttaka í starfsemi Hugarafls er fyrir öll, 18 ára og eldri, sem hafa áhuga á að vinna í geðheilsu sinni á eigin forsendum. Starfsemin er algjörlega gjaldfrjáls, óháð búsetu og engin krafa er gerð um tilvísanir né geðsjúkdómagreiningar.
Nýir styrkir
