Ég ætla að hlaupa í annað sinn í Reykjavíkurmaraþoninu í ár fyrir Ljósið. Ég hleyp 10 km og stefni á að bæta tíma minn verulega frá því í fyrra, þegar markmiðið var bara að komast í mark! Reykjavíkurmaraþonið er ein helsta fjáröflun Ljóssins og gerir þeim kleift að bjóða nær alla sína þjónustu frítt sem er ómetanleg svo mörgum.

Ljósið reyndist mér afskaplega vel í minni endurhæfningu eftir brjóstakrabbamein og er ég viss um að endurhæfingin í Ljósinu hafi hjálpað mér mikið að ná mér fljótt og vel. Ég verð þeim ævinlega þakklát og hleyp fyrir þau og reyni að safna smá pening í leiðinni.