Í ár ætla ég í fyrsta sinn að taka þátt í Reykjavíkurmaraþoninu og hlaupa 10 km til styrktar MS-félagsins.

Fyrir mig var valið á málefni auðvelt.

Pabbi minn greindist með MS sjúkdóminn árið 2020 og síðan þá hef ég séð af eigin raun hvernig sjúkdómurinn hefur áhrif, ekki aðeins á þann sem greinist heldur einnig á aðstandendur þeirra.  Á þessu ári greindist svo ein af mínum bestu vinkonum einnig með MS. Það minnti mig enn frekar á hversu ófyrirsjáanlegur sjúkdómurinn er og að hann getur haft áhrif á fólk á ólíkum aldri og á mismunandi hátt. Þess vegna langar mig að leggja mitt af mörkum og safna áheitum fyrir MS-félagið sem sinnir mikilvægu starfi fyrir fólk með MS og aðstandendur þeirra.

Ef þú hefur tök á að styðja söfnunina mína, hvort sem það er með framlagi eða með því að deila henni áfram væri ég innilega þakklát. Hvert framlag skiptir máli.

Takk kærlega fyrir stuðninginn🤍