Vonarbrú eru ótrúleg samtök og hver einasta króna sem safnast fer beint í að styrkja barnafjölskyldur á Gaza. Fjölskyldurnar sem fá aðstoð eru allar með ung börn að reyna að þrauka við óhugsandi aðstæður. Á síðasta ári fengu sjötíu fjölskyldur stuðning.

Styrkirnir eru nýttir til að kaupa mat, ungbarnavörur, svo sem þurrmjólk og bleiur, hreinlætisvörur, lyf, heilbrigðisþjónustu, fatnað, tjöld og húsnæði.

Sjálfboðaliðar hjá Vonarbrú eru líka í beinum samskiptum við palestínskar fjölskyldur, veita stuðning, hlýju og von og rjúfa einangrunina sem fólkið á Gaza þarf að búa við. Mamma er einn af þessum sjálfboðaliðum svo mér var það auðvitað ljúft og skylt að taka örlítinn þátt á þessum vettvangi.

Áfram Vonarbrú!