Hlauparar
Samtals Safnað
Markmið
Ákjósanleg greiðsluleið
Í ár tek ég þátt í Reykjavíkurmaraþoninu í fyrsta sinn og hleyp fyrir Hjaltastaði – þróunarverkefni sem unnið er í minningu elsku frænda míns, Hjalta Snæs.
Hjalti var aðeins 22 ára þegar hann lést. Hann var á einhverfurófi og glímdi við geðrof síðustu tvö ár ævi sinnar. Þrátt fyrir að kalla eftir hjálp fékk hann ekki þá aðstoð sem hann þurfti. Það má ekki gerast aftur.
Ég vil leggja mitt af mörkum svo Hjaltastaðir verði að veruleika. Þó við getum ekki breytt fortíðinni getum við skapað framtíð þar sem fleiri fá þann stuðning sem þeir þurfa áður en það er um seinan.
Ég hleyp með þá von að Hjaltastaðir geti orðið staður sem gefur fólki von, öryggi og tækifæri til betra lífs – og jafnvel bjargað mannslífum.
Með því að heita á mig hjálpar þú okkur að færa þessa framtíðarsýn nær því að verða að veruleika.
Takk fyrir stuðninginn. Hvert áheit skiptir máli. 💙
Facebook síða Hjaltastaða: https://www.facebook.com/search/top?q=hjaltasta%C3%B0ir
Hjaltastaðir
Hjaltastaðir – Hlaupum fyrir samfélag þar sem öll fá að tilheyra** Hjaltastaðir er nýtt þróunarverkefni sem var hleypt af stokkunum vegna sárvöntunar á úrræðum fyrir ungt fólk sem á erfitt með að fóta sig í samfélaginu. Of mörg ungmenni upplifa sig eins og púsl sem passar hvergi inn, og við höfum misst of marga í blóma lífsins. Verkefnið er stofnað til minningar um Hjalta Snæ og alla þá sem hafa gefist upp, sem og til stuðnings þeim sem berjast enn í bökkum. Á Hjaltastöðum viljum við skapa öruggt samfélag byggt á samkennd, samvinnu og jafningjagrundvelli. Þar fær ungt fólk hlutverk, tilgang og tækifæri til að nýta styrkleika sína, laust við stimpla og greiningar. Horft er til náttúru, dýra og sjálfbærni til að byggja upp seiglu og vellíðan. Með því að hlaupa og heita á Hjaltastaði hjálpar þú okkur að grípa unga fólkið okkar áður en það verður of seint. Hvert skref telur!
Nýir styrkir
