Elsku vinir🥰

Í ár ætla ég að stíga út fyrir þægindarammann minn og taka þátt í Reykjavíkurmaraþoninu í fyrsta skipti. Ég ætla að hlaupa 10 km í minningu elsku Sólveigu Huldu eldri og Sólveigu Huldu yngri🕊️

Kannski er þetta ekki það skynsamlegasta sem ég hef tekið mér fyrir hendur, en hjartað mitt segir mér að þetta sé eitthvað sem mig langar að gera. Minningin um elsku Sólveigu er dýrmæt og mig langar að heiðra hana með þessum hætti. Ég ætla að hafa gleðina hennar, orkuna og kraftinn mér við hlið þegar ég tek þessi skref🧡

Allur sá peningur sem safnast mun renna til Hollvinasamtaka Sjúkrahússins á Akureyri. Við á SAk höfum notið góðs af þeirra magnaða starfi undanfarin ár og því langar mig að leggja mitt af mörkum.

Mér þætti ótrúlega vænt um að geta safnað smá upphæð í nafni elsku Sólveiganna tveggja sem rennur til þessa mikilvæga starfs 🧡

Takk fyrir að styðja mig, hvetja mig og vera með mér á þessari vegferð 🫶