Hlauparar
Samtals Safnað
Markmið
Ákjósanleg greiðsluleið
Við í vinnunni erum að safna peningum fyrir Gló í Reykjadal sem hefur um áratugaskeið skapað vettvang þar sem fötluð börn og ungmenni fá tækifæri til þátttöku í tómstundum og tilheyra jákvæðu vinasamfélagi. Veritas fyrirtækin ætla saman að hlaupa yfir 1000km í allskonar vegalengdum og ég legg auðvitað mitt af mörkum með 10 km sem ég lofa að hlaupa undir 47mín (aldur-10mín er markmið og við förum ekkert án markmiða). Þetta er dagurinn til að láta gott af sér - og þið sem ekki hlaupið, þið styrkið auðvitað og hjálpið öllu því frábæra fólki sem er að gera samfélagið okkar betra með allskonar starfi að blómstra. Heitið á mig hér.
Reykjadalur
Gló stuðningsfélag hefur rekið sumarbúðir í Reykjadal í Mosfellsdal frá árinu 1963. Markmið okkar er að bjóða upp á fjölbreytt tómstundartækifæri þar sem börn og ungmenni fá að njóta sín á eigin forsendum. Vinátta og gleði er mikilvægur þáttur í starfseminni þar sem áhersla er lögð á að öll geti eignast vini og séu fremst á meðal jafningja. Boðið er upp á sumar- og helgardvalir fyrir fötluð börn og ungmenni í Mosfellsdal allt árið um kring. Auk þess er boðið upp á Ævintýrabúðir fyrir börn með ADHD, einhverfu og andlegar áskoranir og fjölbreytta samveru og jafningastuðning fyrir ungt fatlað fólk og fjölskyldur þeirra. Alls nýta sér um 400 börn og ungmenni úrræði á vegum Gló Reykjadals ár hvert.
Nýir styrkir
