Hlauparar
Eyþór Örn Eyjólfsson
Hleypur fyrir Einstök börn Stuðningsfélag barna og unglinga með sjaldgæfar greiningar
Samtals Safnað
Markmið
Ákjósanleg greiðsluleið
Ég er faðir tveggja drengja og eldri sonur minn er Einstakt barn, þó hann sé orðinn fullorðinn.
Einstök börn og fjölskyldur þeirra takast á við ýmsar áskoranir sem geta fylgt þeim alla ævi. Þess vegna hleyp ég fyrir Einstök börn í Reykjavíkurmaraþoninu.
Ég mun hlaupa 10 km í drekabúningi, sem gerir hlaupið töluvert erfiðara en það væri annars. Það er einmitt tilgangurinn – að minna á að líf Einstakra barna og fjölskyldna þeirra getur oft verið krefjandi og fullt af áskorunum.
Ég hleyp til að vekja athygli á Einstökum börnum, styðja við mikilvægt starf félagsins og sýna stuðning minn við börnin og fjölskyldur þeirra.
Ef þú vilt styðja mig í hlaupinu og um leið Einstök börn, væri ég ótrúlega þakklátur fyrir þinn stuðning. ❤️
Einstök börn Stuðningsfélag barna og unglinga með sjaldgæfar greiningar
Einstök börn er stuðningsfélag barna með sjaldgæfa, alvarlega sjúkdóma. Félagið var stofnað þann 13. mars 1997 af foreldrum 13 barna, sem áttu ekki heima í neinum öðrum starfandi félagasamtökum. í dag veitir félagið mikla þjónustu og bíður upp á fræðslur og hópastarf fyrir börn,foreldra og aðra í fjölskyldunni. Það teljast í dag um hátt í 900 fjölskyldur í félaginu, og sumar fjölskyldur eru með fleiri en eitt langveikt barn. Það eru yfir 500 ólíkir sjúkdómar á skrá í félaginu, sem eiga það sameiginlegt að vera langvinnir og hafa varanleg áhrif á lífslíkur barnanna, og lífsgæði barnanna og fjölskyldna þeirra. Í erfiðustu tilfellunum er það vitað með vissu að börnin munu ekki lifa fram á fullorðinsár. Rekstur félagsins er þungur þar sem fjölgun hefur verið mikil, þörf á þjónustu og úrræðum stór aukist og mikil orka fer í að aðstoða foreldra við að leita að aðstoð og finna úrræði sem henta börnum þeirra þar sem kerfið er flókið.
Nýir styrkir
