Hlauparar
Samtals Safnað
Markmið
Ákjósanleg greiðsluleið
Ég hleyp í Reykjavíkurmaraþoninu í minningu bróður míns, Gumma, sem við misstum langt um aldur fram. Gummi glímdi við fíkn og andlega erfiðleika. Mig langar að láta hlaupið mitt hafa sérstaka merkingu. Ég hleyp fyrir hann, fyrir minninguna um hann og fyrir alla þá sem glíma við fíkn og erfiða tíma í lífinu.
Ég hef valið að safna áheitum fyrir Klúbbinn Geysi, sem styður fólk sem glímir við geðrænar áskoranir og félagslega einangrun. Mér finnst mikilvægt að styðja við starf sem hjálpar fólki að finna aftur tilgang, samfélag og von þegar lífið verður erfitt. Gummi mætti reglulega í Klúbbinn Geysi þar sem hann hafði tilgang og gat lagt sitt af mörkum.
Ef hlaupið mitt getur, í minningu Gumma, um leið lagt eitthvað gott af mörkum fyrir aðra, þá hefur það enn meiri merkingu fyrir mig.
Gummi verður með mér í huganum hvert skref. ❤️
Fyrir Gumma. ❤️
Styrktarfélag Klúbbsins Geysis
Klúbburinn Geysir starfar eftir hugmyndafræði Clubhouse International sem snýst um að efla hæfileika og styrk þeirra sem eiga eða hafa átt við geðræn veikindi að stríða. Með því að gefa hverjum og einum tækifæri til að nýta sínar sterku hliðar þjálfast viðkomandi til fjölbreyttrar þátttöku í samfélaginu. Í störfum innan Klúbbsins Geysis er lögð áhersla á stuðning og virðingu og horft á styrkleika í stað þess að einblína á sjúkdóminn eða það sem hamlar. Allir sem eiga eða hafa átt við geðræn veikindi að stríða geta orðið félagar í Klúbbnum. Nánari upplýsingar á kgeysir.is
Nýir styrkir
