Við, vinir Emils Dags, ætlum að reima á okkur hlaupaskóna og safna fyrir dásamlegu félagi Mia Magic, sem reyndist elsku Emil og mömmu hans Hrefnu svo vel.

Með því að styrkja Mia Magic tekur þú þátt í að skapa fræðsluefni sem hjálpar börnum að skilja heilbrigðiskerfið, veikindi og meðferðir á einfaldan, jákvæðan og barnvænan hátt. Bækurnar um hugrökku Míu eru ætlaðar til að draga úr ótta, auka skilning og styrkja börn og fjölskyldur í aðstæðum sem geta verið bæði ókunnar og krefjandi. Hver styrkur hjálpar þeim að gefa út fleiri bækur, auka aðgengi að efninu og koma því til þeirra barna sem þurfa mest á því að halda.

Mia Magic gleður líka langveik börn og foreldra þeirra með dásamlegum gjöfum í Míuboxunum.

Við þiggjum alla styrki, stóra sem smáa