❤️ Við hlaupum 10 km fyrir Magnús Mána ❤️

Í ár ætlum við þrjú að reima á okkur hlaupaskóna og hlaupa 10 km fyrir vin okkar, Magnús Mána.

Fyrir þremur árum, aðeins 13 ára gamall, breyttist líf hans á einu augnabliki þegar hann missti máttinn fyrir neðan bringu.

Síðan þá hefur Magnús sýnt okkur hvað það þýðir að gefast aldrei upp. Dag eftir dag hefur hann lagt ótrúlega vinnu í endurhæfingu og barist fyrir hverju einasta skrefi. ❤️

Og skrefin eru orðin mörg.

Í dag getur Magnús gengið með göngugrind og heldur áfram að stefna ótrauður að næsta markmiði. Endurhæfingin hefur skilað ótrúlegum árangri en hún er gríðarlega kostnaðarsöm og fjölskyldan hefur þurft að bera stóran hluta kostnaðarins sjálf.

Þess vegna hlaupum við. ❤️

Okkar 10 km eru lítið verkefni í samanburði við það maraþon sem Magnús hefur hlaupið síðustu þrjú ár.

Ef þú átt þess kost að heita á okkur – sama hversu lítið eða mikið – þá hjálpar það Magnúsi að halda áfram sinni mikilvægu endurhæfingu.

Og ef þú getur ekki heitið á okkur, þá hjálpar líka ótrúlega mikið að deila færslunni. ❤️

Við hlaupum fyrir vin okkar. Við hlaupum fyrir næsta skref. Við hlaupum fyrir Magnús Mána. ❤️

Takk fyrir að lesa, deila og vonandi styrkja <3 Gunni, Íris og Stefán ( og auðvitað Styrktarfélag Magnúsar Mána)