Hlauparar
Samtals Safnað
Markmið
Ákjósanleg greiðsluleið
Elías Ari hleypur fyrir Sorgarmiðstöðina í minningu Tómasar Kára. Elías missti stóra bróður sinn 3 ára þegar hann sjálfur var aðeins 3 mánaða. Þeirra tími saman var alltof stuttur en í dag þekkir hann Tómas í gegnum okkur og mun Tómas alltaf fylgja litla bróðir sínum í gegnum lífið en í annarri mynd en við höfum viljað.
Sorgarmiðstöðin er málefni sem við viljum styðja við afþví að þau studdu vel við okkur á erfiðum tímum eins og svo marga aðra.
Það veit engin hvenær maður þarf á Sorgarmiðstöðinni að halda en þau vinna frábært starf í að styðja við hvern sem er á hvaða aldri sem er við hvaða missi sem er.
Við fjölskyldan erum afar þakklát fyrir þau að taka á móti og styðja okkur.
Sorgarmiðstöð
Sorgarmiðstöð er félag sem starfar í almannaþágu, án hagnaðarsjónarmiða og býður stuðning, fræðslu og ráðgjöf til syrgjenda og þeirra sem vinna að velferð þeirra. Við leggjum áherslu á að mæta fólki á persónulegan og hlýjan hátt. Við bjóðum upp á stuðningshópastarf, jafningjastuðning, samveru og fræðslu fyrir þau sem syrgja látinn ástvin. Þú finnur meiri upplýsingar um starfið okkar á www.sorgarmidstod.is. Sorgarúrvinnsla miðar að bættri lýðheilsu með því að efla og styðja við andlega, líkamlega og félagslega heilsu fólks eftir ástvinamissi.
Nýir styrkir
