Ég ætla að taka þátt í Reykjavíkurmaraþoninu í ár en það hef ég ekki gert síðan 2010. Í ár mun ég hvorki hlaupa né ganga heldur vera í hjólastól sem vinkonur mínar munu skiptast á að ýta. Það er vegna ME taugasjúkdómsins sem ég hef barist við síðan 2004. Dóttir mín og 3ja mánaða barnabarn munu einnig koma með. Þetta verður því myndarlegur hópur sem mun hjálpa mér við að vekja athygli á þessum grimma sjúkdómi, sem og safna áheitum til styrktar ME félagi Íslands. Mig langar að hvetja alla sem geta til þess að leggja málefninu lið.