Ég kynntist Hafþóri, pabba Steinunnar Lóu, í sumar. Hann sagði mér frá því sem kom fyrir dóttur sína og son hennar, Stein Ómar. Steinunn lést í fæðingu Steins Ómars og í kjölfarið tók vökudeild Barnaspítala Hringsins við honum.

Hafþór talaði einstaklega vel um starfsfólk Barnaspítala Hringsins og þá góðu umönnun sem Steinn Ómar fékk þar. Frásögn hans veitti mér innblástur til að hlaupa mína 21 kílómetra í Reykjavíkurmaraþoninu, fyrir hönd hlaupahópsins Við Brotnum Ekki, sem safnar fyrir Barnaspítala Hringsins í minningu Steinunnar Lóu.