Fyrsta Reykjavíkurmaraþonið fór fram árið 1984 en þá tóku 56 þátt í maraþon vegalengdinni. Undanfarin ár hafa um 1500 hlauparar verið skráðir til þátttöku í maraþon Reykjavíkurmaraþons.
Maraþon er 42,195 km langt og er það vegalengdin sem boðberi nokkur er sagður hafa hlaupið með skilaboð um sigur í bardaganum við Maraþon frá þeirri borg til Aþenu. Sagan segir að hann hafi ekkert stansað á leiðinni og hafi látist um leið og hann skilaði af sér boðunum.
Ekki er mælt með því að óvanir hlauparar hlaupi þessa vegalengd enda ekki á allra færi að hlaupa rúma 42 kílómetra.
Hlaupaleiðin
Hlaupaleiðin er bæði skemmtileg og krefjandi. Hlaupið hefst í Sæmundargötu fyrir neðan Háskóla Íslands. Hlauparar fara um Ægisíðu, Seltjarnarnes, Granda og miðbæ Reykjavíkur áður en leiðin liggur austur Sæbraut og inn í Laugardal. Þaðan er hlaupið um Laugarnes, Túnin, Öskjuhlíð, Fossvog, Elliðaárdal, Sævarhöfða og Bryggjuhverfið. Leiðin liggur síðan aftur um Elliðaárdal, Smáíbúðahverfi, Vogahverfi og Laugardal, þaðan eftir Sæbraut að Hörpu og áfram um Austurbakka og Miðbakka. Endamarkið er í Geirsgötu við Listasafn Reykjavíkur.
Smelltu hér til að sjá kort af leiðinni.
Hlaupaleiðin er mæld samkvæmt stöðlum AIMS (alþjóðleg samtök hlaupa).
Drykkjarstöðvar
Í maraþoninu eru í heildina 10 og er boðið upp á vatn og gatorade á þeim öllum auk þess er boðið upp á súkkulaði, banana og appelsínur á nokkrum þeirra. Drykkarstöðvarnar eru á Suðurströnd, Eiðisgranda, Sæbraut við Aktu taktu, Holtsveg við KFUM og KFUK , Bústaðarveg við Hlíðarfót, Fossvog við Láland, Naustabryggju, Holtsveg við KFUM og KFUK, Sæbraut við Sundagarða og í marki í Geirsgötu.
Þátttakendur
Öll sem eru 18 ára eða eldri geta skráð sig og tekið þátt í maraþoni Reykjavíkurmaraþons Íslandsbanka. Ekki er mælt með því að óvanir hlauparar taki þátt í þessari vegalend, enda ekki á allra færi að hlaupa rúma 42 kílómetra. Athugið að tímatakmörk í hlaupinu er 6 og hálf klukkustund.
Þjónusta
Innifalið í miðaverði er fjölbreytt þjónusta, sem tryggir hlaupurum einstaka upplifun. Hér má finna nánari upplýsingar um þá þjónustu sem veitt er á hlaupdegi fyrir allar vegalengdir
NÁNARI UPPLÝSINGAR
Vantar þig fleiri upplýsingar um Reykjavíkurmaraþonið? Svör við algengum spurningum má finna hér.
