Verðlaun
Verðlaunapeningar

Allir þátttakendur í Reykjavíkurmaraþoni Íslandsbanka fá verðlaunapening þegar þeir koma í mark. Fyrstu þrír karlar og konur í 10 km hlaupi, hálfmaraþoni og maraþoni fá einnig verðlaunagripi fyrir sinn árangur ásamt fleiri verðlaunum sem eru nánar tilgreind hér fyrir neðan. Þessi verðlaun eru veitt á sviðinu í Lækjargötu á hlaupdegi.

Verðlaunafé

Veitt eru peningaverðlaun til fyrstu þriggja karla og kvenna í 10 km hlaupi, hálfmaraþoni og maraþoni. Verðlaunin eru í íslenskum krónum og eru eftirfarandi:

Vegalengd
1.sæti
2.sæti
3.sæti
Maraþon
150.000
100.000
75.000

Maraþon|150.000|100.000|75.000|

Hálft maraþon
100.000
70.000
50.000

Hálft maraþon|100.000|70.000|50.000|

10 km hlaup
50.000
35.000
25.000

10 km hlaup|50.000|35.000|25.000|

Einnig fá fyrstu þrír Íslendingarnir í 10 km, hálfmaraþoni og maraþoni sérstök peningaverðlaun. Verðlaunin eru veitt í íslenskum krónum og eru eftirfarandi:

Vegalengd
1.sæti
2.sæti
3.sæti
Maraþon
75.000
50.000
25.000

Maraþon|75.000|50.000|25.000|

Hálft maraþon
50.000
30.000
20.000

Hálft maraþon|50.000|30.000|20.000|

10 km hlaup
25.000
15.000
10.000

10 km hlaup|25.000|15.000|10.000|

Mótsmet

Sé mótsmet slegið er greiddur bónus, 50.000 kr. í hálfmaraþoni og 100.000 kr. í maraþoni. Þessi verðlaun verða veitt í Lækjargötu á hlaupdegi. Mótsmetið í maraþoni karla á Ceslovas Kundrotas (LTU) 2:17:06 og maraþoni kvenna Angaharad Mair (GBR) 2:38:47. Benjamin Serem (KEN) á mótsmetið í hálfmaraþoni karla 1:04:09 en Martha Ernstdóttir (ISL) á mótsmet kvenna 1:11:40.

Camelbak

Fyrstu þrír karlar og fyrstu þrjár konur í 10 km hlaupi, hálfu maraþoni og maraþoni fá gjafir frá Camelbak. Fyrsta sæti fær Camelbak hlaupavesti og hlauparar í 2. og 3. sæti fá Camelbak brúsa.

66° Norður

Allir verðlaunahafar fá húfu frá 66° Norður

Verðlaunasæti

Fyrstu þrír karlar og fyrstu þrjár konur í 10 km hlaupi, hálfmaraþoni og maraþoni fá verðlaunagrip auk verðlaunafés sem getið var um hér að ofan.

Fyrstu Íslendingar

Fyrstu þrír Íslendingar í 10 km hlaupi, hálfmaraþoni og maraþoni fá eftirfarandi verðlaun:

Auk þess fá fyrsti íslenski karl og íslenska kona í 10 km hlaupi, hálfmaraþoni og maraþoni Garmin úr frá Garminbúðinni.

Allir Íslendingar sem skrá sig til þátttöku í maraþon eru sjálfkrafa skráðir þátttakendur í Íslandsmeistaramótið í maraþoni. Frjálsíþróttasamband Íslands veitir fyrstu Íslendingum í maraþoni sérstök verðlaun og krýna Íslandsmeistara.

Powerade sumarhlaupin

10 km hlaupið í Reykjavíkurmaraþoni Íslandsbanka er hluti af mótaröð sem ber nafnið Powerade sumarhlaupin. Mótaröðin samanstendur af fimm hlaupum sem haldin eru af frjálsíþróttafélögunum í Reykjavík og Reykjavíkurmaraþoni með stuðningi frá Powerade. Reykjavíkurmaraþon Íslandsbanka er síðasta hlaup mótaraðarinnar og þrír stigahæstu hlaupararnir fá afhend verðlaun í Lækjargötunni á hlaupdegi.

Sveitakeppni

Verðlaun eru veitt fyrstu sveit í 10 km, 21,1 km og 42,2 km. Sjá nánar um sveitakeppni hér. Verðlaun í sveitakeppni verða afhent á skrifstofu Íþróttabandalags Reykjavíkur, Engjavegi 6 (við hliðina á Laugardalshöll), frá og með fyrsta þriðjudegi eftir hlaup. Þetta er gert til að tryggja að úrslit liggi örugglega rétt fyrir áður en verðlaunin eru afhent.

Aldursflokkar

Veitt eru aldursflokkaverðlaun fyrir fyrsta sæti í aldursflokkum karla og kvenna. Aldursflokkaverðlaun verða afhent á skrifstofu Íþróttabandalags Reykjavíkur, Engjavegi 6 (við hliðina á Laugardalshöll), frá og með fyrsta þriðjudegi eftir hlaup. Þetta er gert til að tryggja að úrslit liggi örugglega rétt fyrir áður en verðlaunin eru afhent. Nánar um aldursflokkakeppni má finna hér.

Verðlaunaafhending í Lækjargötu

Samstarfsaðilar

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Reykjavíkurmaraþon Íslandsbanka í ágúst, Laugavegshlaupið í júlí, Tour of Reykjavik og Miðnæturhlaup Suzuki í júní, Norðurljósahlaup Orkusölunnar í febrúar og Reykjavíkurleikar í janúar.