Reykjavíkurmaraþon Íslandsbanka fór fram í 38. sinn í frábæru hlaupaveðri í dag. Margir lögðu leið sína í miðbæ Reykjavíkur til að styðja við hlaupara og stemningin var hreint útsagt frábær. Til þátttöku voru skráðir 11.307 hlauparar á öllum aldri frá 84 löndum. 5766 konur skráðu sig, 5483 karlmenn og 12 kvár, en í ár var í fyrsta sinn hægt að skrá sig í þrjá kynjaflokka.
Sigurvegari í maraþoni í kvennaflokki var Andrea Kolbeinsdóttir á tímanum 02:42:15 sem er frábær árangur en á eftir henni komu þær Jessica Roach frá Bandaríkjunum í 2. sæti og Kristjána Pálsdóttir í 3. sæti. Í maraþoni í karlaflokki sigraði Rúmeninn Silviu Stoica á tímanum 02:29:27 sem er einnig frábær árangur en á eftir honum komu þeir Ernest Kibet Tarus frá Kenýa í 2.sæti og Bart Geldof frá Belgíu í 3. sæti
Maraþonið var jafnframt Íslandsmeistaramót og sigraði Andrea Kolbeinsdóttir í kvennaflokki og Sigurjón Ernir Sturlurson í karlaflokki
Í ár var keppt í fyrsta sinn í kvárflokki í 10 kílómetrum og sigraði Elías Rúni á tímanum 01:03:55 en í öðru sæti var Jóhanna Rakel og í því þriðja var Sunneva Kristín Sigurðardóttir.
Áheitasöfnun hlaupsins á hlaupastyrkur.is er enn í fullum gangi og verður opin til miðnættis á mánudaginn 21.ágúst. Þegar er búið að slá áheitametið sem sett árið 2019 og eru áheitin komin í 190 milljónir sem öll þau sem söfnuðu áheitum og hétu á hlaupara geta verið stolt af.
Íþróttabandalag Reykjavíkur þakkar hlaupurum, samstarfsaðilum, starfsmönnum, hvatningarfólki og tillitssömum vegfarendum kærlega fyrir góðan dag.
Myndir: Eva Björk
![](/_next/image?url=https%3A%2F%2Fimages.prismic.io%2Fmarathon%2Faa5e68ea-593b-4357-b65f-f9afe4aaaf88_025A0700.jpg%3Fauto%3Dcompress%2Cformat&w=3840&q=75)
![](/_next/image?url=https%3A%2F%2Fimages.prismic.io%2Fmarathon%2Fb9b3ca04-794c-4f45-b5b5-9e8f89cd2bfa_025A0676.jpg%3Fauto%3Dcompress%2Cformat&w=3840&q=75)
![](/_next/image?url=https%3A%2F%2Fimages.prismic.io%2Fmarathon%2Fdd3f8392-6fe5-470b-9c84-4d187291753a_IMG_20230819_102224%255B47%255D.jpg%3Fauto%3Dcompress%2Cformat&w=3840&q=75)
![](/_next/image?url=https%3A%2F%2Fimages.prismic.io%2Fmarathon%2Feae688e4-6e91-40a4-8c38-22fd4a5f00f0_025A0682.jpg%3Fauto%3Dcompress%2Cformat&w=3840&q=75)
![](/_next/image?url=https%3A%2F%2Fimages.prismic.io%2Fmarathon%2F62ea8f12-e21a-4bb6-875f-a36ec0f30e60_025A0961.jpg%3Fauto%3Dcompress%2Cformat&w=3840&q=75)
![](/_next/image?url=https%3A%2F%2Fimages.prismic.io%2Fmarathon%2F1c0c9075-2eb1-405e-87e4-0c6483114119_IMG_20230819_114053.jpg%3Fauto%3Dcompress%2Cformat&w=3840&q=75)