Hlaupum fyrir Aríu Rún, litlu hetjuna okkar ❤️

Aría Rún greindist með hvítblæði í september 2024, aðeins eins og hálfs árs gömul. Það hefur verið krefjandi og erfitt verkefni fyrir litlu dúlluna okkar og fjölskylduna alla. Hún hefur staðið sig eins og sannkölluð hetja í gegnum allt með hugrekki, krafti og bros á vör sem smitar út frá sér.

Til að sýna henni stuðning og styrkja önnur krabbameinssjúk börn, ætlum við fjölskyldan og vinir að hlaupa fyrir Aríu okkar í Reykjavíkurmaraþoninu til styrktar Skb - Styrktarfélag krabbameinssjúkra barna en þau hafa hjálpað Aríu og fjölskyldu svo mikið.

Við hlaupum með hvatningu hennar í hjartanu og markmiðið að safna áheitum fyrir gott málefni sem skiptir máli.

Ef þú vilt styðja Aríu Rún og hlauparana okkar með áheiti, þá erum við þakklát fyrir hvert framlag, lítið sem stórt.

Takk fyrir að standa með okkur.