Hlauparar
Guðrún María Jónsdóttir
Hleypur fyrir Hjaltastaðir og er liðsmaður í Hjaltastaðir
Samtals Safnað
Markmið
Ákjósanleg greiðsluleið
Í minningu Hjalta Snæs Árnasonar ætla ég að labba og skokka til skiptis 10km. Með von um að Hjaltastaðir verði það langtíma úrræði sem á þarf að halda þegar vonin er veik í baráttu við kerfið. Ég skrái mig einnig sem aðstandandi einstaklings sem hefur verið í langvarandi baráttu. Von mín er sú að Hjaltastaðir verði sá staður sem grípur fólk og veitir allan þann stuðning sem þarf til að finna tilgang á ný og fá að tilheyra á jafningja grundvelli.
Hjaltastaðir
Hjaltastaðir – Hlaupum fyrir samfélag þar sem öll fá að tilheyra** Hjaltastaðir er nýtt þróunarverkefni sem var hleypt af stokkunum vegna sárvöntunar á úrræðum fyrir ungt fólk sem á erfitt með að fóta sig í samfélaginu. Of mörg ungmenni upplifa sig eins og púsl sem passar hvergi inn, og við höfum misst of marga í blóma lífsins. Verkefnið er stofnað til minningar um Hjalta Snæ og alla þá sem hafa gefist upp, sem og til stuðnings þeim sem berjast enn í bökkum. Á Hjaltastöðum viljum við skapa öruggt samfélag byggt á samkennd, samvinnu og jafningjagrundvelli. Þar fær ungt fólk hlutverk, tilgang og tækifæri til að nýta styrkleika sína, laust við stimpla og greiningar. Horft er til náttúru, dýra og sjálfbærni til að byggja upp seiglu og vellíðan. Með því að hlaupa og heita á Hjaltastaði hjálpar þú okkur að grípa unga fólkið okkar áður en það verður of seint. Hvert skref telur!
Nýir styrkir
