Laugardaginn 22. ágúst verður hægt að fylgjast með Reykjavíkurmaraþoni Íslandsbanka 2026 í beinni útsendingu á Sjónvarpi Símans og YouTube-rás hlaupsins. Bein útsending hefst klukkan 8:00 og stendur til klukkan 12:30.
Fjölbreytt og lifandi dagskrá verður í boði þar sem fylgst verður með einstöku maraþonstemningunni um alla Reykjavík. Ingvar Örn Ákason og Birna María Másdóttir verða kynnar útsendingarinnar og taka á móti góðum gestum í spjall á meðan hlaupið stendur yfir.
Myndavélar verða á ferðinni um brautina og gefst áhorfendum tækifæri til að fylgjast með hlaupurum, stemningunni meðal áhorfenda og öllu því sem gerir Íslandsbanka Reykjavíkurmaraþon að einum stærsta íþróttaviðburði landsins. Einnig verður komið við hjá góðgerðarfélögum sem eru stór og mikilvægur hluti dagsins, auk þess sem styrktaraðilar hlaupsins verða heimsóttir.
Útsendingin gefur þannig bæði innsýn í keppnina sjálfa og þá miklu hátíð sem myndast í borginni þegar þúsundir hlaupara leggja af stað um götur Reykjavíkur.
Ekki missa af beinni útsendingu frá Íslandsbanka Reykjavíkurmaraþoni 2026, laugardaginn 22. ágúst frá klukkan 8:00 til 12:30 á Sjónvarpi Símans og YouTube-rás hlaupsins.
