Upplýsingar um skráningu í Reykjavíkurmaraþon Íslandsbanka.

Reykjavíkurmaraþon Íslandsbanka fer fram 19. Ágúst 2023.

Þú getur valið um að skrá þig (eða aðra) í eftirfarandi vegalengdir:

Maraþon (42,2 km) - fyrir þau sem verða 18 ára á árinu 

Hálfmaraþon (21,1 km) - fyrir þau sem verða 15 ára á árinu og eldri 

10 km hlaup  - fyrir þau sem verða 12 ára á árinu og eldri 

Skemmtiskokk - fyrir fólk á öllum aldri

Þátttökugjöld í Reykjavíkurmaraþon Íslandsbanka 2023 hækka eftir því sem nær dregur hlaupdegi. 

Maraþon|13.100 kr| 16.000 kr | 19.250 kr

Hálfmaraþon|7.990 kr| 9.800 kr | 11.750 kr

Hálfmaraþon - 15 - 18 ára |5.900 kr| 7.250 kr | 8.700 kr 

10 km hlaup - 12-18 ára |4.650 kr| 5.850 kr | 7.000 kr

Skemmtiskokk 3 km|2.850kr| 3.550 kr | 4.300 kr 

Skemmtiskokk 3 km - 17 ára og yngri|1.700 kr| 2.350 kr | 2.850 kr

Ofangreind gjöld eru í íslenskum krónum og miðast við einstakling.

Greiða þarf þátttökugjöld við skráningu og er ekki hægt að fá þau endurgreidd eða færð yfir á aðra viðburði á vegum Íþróttabandalags Reykjavíkur. Ef skráður þátttakandi getur ekki tekið þátt er þó í boði að gera nafna- og/eða vegalengdabreytingu á meðan rafræn skráning í hlaupið er opin inná „mínum síðum“. Sjá nánar hér neðar á síðunni.

Í 10 km, 21 km og skemmtiskokki er lægra gjald fyrir börn og unglinga 12-18 ára.

Innifalið í þátttökugjöldum Reykjavíkurmaraþons Íslandsbanka er meðal annars rásnúmer, tímataka , þátttökuverðlaun, sundferð í einhverja af sundlaugum Reykjavíkur, drykkir frá Gatorade í marki og á drykkjarstöðvum.

Vegna umhverfissjónarmiða verða bolir ekki innifaldir í þátttökugjaldinu. Hægt verður að kaupa boli á mínum síðum og við afhendingu gagna á meðan birgðir endast. 

Í skráningarferlinu er hægt að velja um að greiða þátttökugjaldið með öllum helstu debet- og kreditkortum og/eða gjafabréfi íþróttabandalags Reykjavíkur. Að lokinni skráningu fær viðkomandi senda kvittun í tölvupósti skráningunni til staðfestingar. Berist ekki kvittun hefur skráning ekki gengið í gegn.

skilmalar-rmi-2023.pdf

personuverndarstefna-ibr-2019.pdf

Við skráningu í hlaup á vegum Íþróttabandalags Reykjavíkur þurfa þátttakendur að haka við að þeir samþykki skilmála hlaupsins. Ef ekki er hakað í samþykki fyrir skilmálum er ekki hægt að skrá sig í hlaupið. Smelltu hér til að skoða skilmálana og hér til að lesa persónuverndarstefnu ÍBR sem er órjúfanlegur hluti af skilmálunum.

Við afhendingu hlaupagagna á hlaupdag eru þátttakendur beðnir að hafa QR kóðan tilbúinn til að flýta fyrir afgreiðslu. QR kóðinn er sendur í tölvupósti til hlaupara fyrir afhendingu gagna. Einnig er hægt að finna QR kóðann og kvittun til útprentunar á „mínum síðum".

Að skráningu lokinni eignast hver einstaklingur sitt svæði undir heitinu: „Mínar síður“ þar sem hægt er að breyta persónuupplýsingum, breyta vegalengd sinni. Frekari upplýsingar um „Mínar síður" er að finna hér.

Í skráningarkerfinu er hægt að skrá nokkra hlaupara í einu og borga fyrir þá í einni greiðslu. Ekki er þó mælt með að skrá fleiri en 10 í hverri færslu. Fyrirtæki sem vilja skrá 10 eða fleiri til þátttöku geta haft samband. 

Þátttakendur geta breytt um vegalengd inni á mínum síðum á meðan netskráning er opin. Eftir það verður hægt að breyta um vegalengd á skráningarhátíðinni. Greiða þarf fyrir mismun á verði vegalengda ef farið er í dýrari vegalengd samkvæmt verðskrá sem er í gildi á þeim tíma sem breytingin er gerð. Ekkert sérstakt breytingagjald er tekið til viðbótar fyrir þessa breytingu. Ekki er hægt að breyta um vegalengd eftir að hlaupið er hafið. 

Hægt er að gera nafnabreytingu á skráningu á „mínum síðum". Nýr eigandi skráningarinnar fær staðfestingu á skráningu í tölvupósti ásamt aðgangi að „mínum síðum". Athugið að „mínar síður" eru aðeins opnar á meðan rafræn skráning er opin. Eftir að rafrænni skráningu lýkur er ekki hægt að gera nafnabreytingu.

Skráning í hlaupið 2023

Samstarfsaðilar