Okkar heimur eru góðgerðarsamtök sem starfa í þágu barna sem eiga foreldra með geðsjúkdóma. Meðal þess sem boðið er upp á eru fjölskyldusmiðjur þar sem fjölskyldur fá tækifæri á að ræða um veikindin á fordómalausan hátt. Einnig vinnur Okkar heimur að því að bæta stöðu þessara barna í skólakerfinu, að gerð fræðsluefnis og stuðla að vitundarvakingu í samfélaginu.

Áætlað er að eitt af hverjum fimm börnum eigi foreldri með geðsjúkdóm og án stuðnings í bernsku eru þau í stóraukinni hættu á að þróa sjálf með sér veikindi. Mikilvægt er að stuðningur sé aðgengilegur og er þjónusta Okkar heims fjölskyldum að kostnaðarlausu.